Почувствувајте ја магијата на Балканот и дочекајте ја Новата Година во топлата и автентична атмосфера на Сараево! Главниот град на Босна и Херцеговина е вистинско место каде традицијата и модерното се спојуваат во незаборавно празнично искуство.
Шетајте низ чаршијата исполнета со мирис на ќебапи, баклава и топол босански чај. Уживајте во празничните светла што го украсуваат градот, и учествувајте во веселиот новогодишен дух со локалните жители. Башчаршија и централниот дел на градот оживуваат со музика, смеење и уникатни новогодишни прослави.
Со ADVENTOURS.MK, ќе ја доживеете Новата Година како никогаш досега – со шармантна атмосфера, одлична храна и чувство на заедништво кое само Сараево може да го понуди.
Резервирајте го вашето место денес и започнете ја Новата Година со незаборавна авантура! 🕌
Хотелско сместување 3*
Сместувањето е во хотел 3* со вклучен појадок на база на шведска маса.
За екскурзиите е задолжителна пријава во агенција.
Напомени:
Цените се изразени во евра, а курсот на еврото се пресметува 62 денари
-За сингл соба цената изнесува 189 евра
-Деца од 0 – 3 години бесплатно (спијат во кревет со родител)
-Деца од 3 до 11,99 години плаќаат 89e
-Дете до 12 години придружувано со едно возрасно лице плаќа 100% од сумата на аранжманот.
-Хотелот одредува на лице место во зависност од моменталната состојба каков тип на соба ќе добиете.
-Резервации за одреден кат или страна не е можна.
-Селекција на седиште во автобус! Според правилата на агенцијата, патниците се сместуваат според временската линија на уплати.
-Доколку имате барање за седиште, истото се доплаќа 15 евра за во два правци.
За реализација на овој аранжман, потребен е минимум од 35 патници, во спротивно, крајниот рок за известување околу евентуален отказ на аранжманот е најкасно 5 дена пред датумот на поаѓање.
-За деца од 3 до неполни 12 години се плаќа 50% од сумата на аранжманот кога станува збор за двајца возрасни и дете до неполни 12 години. Кога станува збор за еден родител и дете од 3 до 12 неполни години, за детето се плаќа 70% од сумата на аранжманот
-За деца со полни 12 години се плаќа цела сума
-Организаторот на патувањето го задржува правото за измена на редоследот на поедини содржини во програмата
-За ова патување потребно е да се приложи сертификат за вакцина или брз антиген тест
-Патувањето може да биде со валидна лична карта или пасош
-Доколку патувањето се реализира според планираното и нема никакви пречки за негова реализација, а дојде до откажување од страна на патникот, тогаш откажувањето ќе се реализира во согласност со општите услови за патување.
-Распоредот на седишта се нумерира според уплатата. Доколку туристите имаат барање за седиште, истото се доплаќа 15 евра за два правци и право на избор на седиште.
Поаѓањето е од Скопје, пред Хотел Русија е околу 21:30ч но патниците за точно време на поаѓње се известуваат на еден ден пред поаѓање.
Се патува преку Србија со попатни вечерни паузи.
Пристигнување во Сараево и упатување на разглед на Сараево со локален водич.
Разгледот започнува од “Vijecnica”па до местото каде е извршен атентат врз Франц Фердинанд од страна на Гаврило Принцип, хотел Европа, австро-унгарскиот дел, плоштадот Маршал Тито, местото каде е формирана групата INDEXI, Бегова Џамија и Башчаршија.
Разгледот се прави се со цел патниците подобро да се запознаат со градот.
Слободно време за ручек и разглед на Сараево, и упатување кон хотелот во договореното време.
Ноќно Сараево – Факултативен излет
Состанок на група во 19:00 пред Хотелот. Тргнување кон местото Илиџа заедно со локален водич. По завршувањето тргнуваме на панорамски разглед со автобусот каде се застанува на едно од местата и се гледа Сараево во целосна светлина каде што правиме неколку фотографии и тргнуваме кон следното место. Нашето следно место како за крај на Ноќно Сараево е највисоката зграда во градот Сараево Avaz Twist Tower каде ке имаме можност да се искачиме на 142м висина поточно 39 кат каде што има кафетерија и 360 степени панорамски разглед и една од најдобрите фото во диагонала поточно како изгледа Сараево во должина. По завршувањето се упатуваме во хотелот. Ноќевање.
Третиот ден започнува со појадок и во 07:30ч и започнуваме со целодневна екскурзија 😊
Првото место за посета е Титов Бункер во местото Коњиц.
Групата ќе има можност да го посети местото Јабланица каде била одиграна Битката на Неретва 1943 год. позната како “Bitka za Ranjenike” која била 4-та непријателска офанзива на НОВЈ.
Исто така овде е снимен познатиот филм „Битка за Неретва“ 1969 год..
По посетата групата се упатува кон Врело Буна, се посетува втор најголем извор во Босна, кадешто извира вода од 40,000 л во секунда. Слободно време во договор со водич.
Во договорено време поаѓање кон Мостар. Разгледот на градот е со локален водич.
Голем дел од туристите доаѓаат во Мостар за да го видат мостот, но Мостар има многу повеќе за истражување.
Безброј, продавници, сувенирници богати со бакарни предмети каде што можете да си купите сет за кафе или карактеристични локални сувенири или пак килими за вашиот дом, сето ова е лоцирано на Кујунџилук улицата.
Ова е интересна улица (со калдрма) за прошетка, ако сте за шопинг можете да поминете часови овде.
Во Мостар има кварт каде објектите се со шарени фасади што потсеќа на населбата Балат во Истанбул. Го нарекуват ‘’Мостарскиот Балат”.
Разгледот завршува под ,,Стари мост” и овој мост е симбол на градот.
Слободно време околу 3 часа.
Враќање во Сараево.
Дочек на Нова 2025-та Година на плоштадот со луда забава со Далматинската дива Северина.
Ноќевање.
По појадокот во хотел, групата се упатува кон Босанските пирамиди.
Пред повеќе од 10 години, во Босна беше пронајдено големо откритие кое го шокираше светот , особено историчарите и археолозите.
Босанските Пирамиди беа пронајдени од страна на Др.Семир Османгич и тие го дигнаа во врвот на неговата кариера. Босанските пирамиди се наоѓаат во близина на градот Високо, а според најновите истражувања датираат од предбиблиската историја.
Најголемата пирамида е пирамидата на Сонцето и е прва од тој вид во Европа, додека пак пирамидата на Месечината и пирамидата на Босанскиот Змеј, се значително помали.
Под пирамидите се пронајдени три подземни одаи и мало сино езеро. Езерото содржи чиста, стерилна вода, без бактерии, алги, печурки, микроорганизми, животни, мов и кал.
Ја нарекуваат жива вода, затоа што го прочистува телото.
Тоа значи дека тие објекти всушност се „одаи за прочистување“ и тука телото побрзо се регенерира и болестите исчезнуваат.
Покажано е дека просториите под пирамидите имаат лекувачки моќи поради големото ниво на јонизација.
* Вишеград, прекрасен град каде туристите имаат можност да уплатат за крстарење по Дрина и да се запознаат со природните и историски убавини на градот, да ги слушнат легендата за близнаците Стоја и Остоја како и легендата за невестата Фата.
Групата го посетува симболот на градот а тоа е познатиот мост кој е изграден од Мехмед Паша Соколовиќ,а кој е под заштита на UNESCO и опишан во романот на Иво Андриќ „Мостот на Дрина“.
Во Вишеград ќе имате можност да го посетите Aндриќград исто така познат како и камен град кој инвеститор за тоа е познатиот тенисер Новак Џоковиќ.
Како културен центар изграден е по иницијатива на Емир Кустурица а за туристи официјално е отворен во 2012 година. Слободно време за прошетка
Патниците кои нема да ги посетат пирамидите имаат слободно време во хотел со тоа што по враќање од пирамидите ќе бидат земени од хотел и се продолжува кон Вишеград.
Слободно време за ручек и заминување кон Македонија.
Пристигнување во раните утрински часови.
