БОЖИЌЕН ПАЗАР во ВИЕНА | 2026

Виена, престолнина на една од најзначајните европски империи, е царски град и место на вкрстување на различни култури. Како една од најстарите метрополи во срцето на Европа, Виена го привлекува вниманието со своето културно и архитектонско наследство, шарм и раскош. Градот нуди патување низ времето, оживувајќи ја сликата на раскошниот империјален барок преку своите дворци како Хофбург и Шенбрун, палатата Белведере, катедралата Св. Стефан и многу други знаменитости. Позната како Музичка престолнина, Виена била дом на композитори како Моцарт, Бетовен и Штраус.

За време на декември, Виена блеска во своето најелегантно празнично издание, нудејќи една од најубавите божиќни дестинации во Европа. Величествените булевари, историските палати и плоштади се украсени со илјадници светилки, додека мирисот на печени костени, ванила, цимет и греено вино создава незаборавна празнична атмосфера. Најпознатите Божиќни маркети, како оној пред Градското собрание (Rathausplatz), нудат рачно изработени подароци, австриски специјалитети и празнични украси. Маркетите кај Шенбрун, Белведере и плоштадот Марија Терезија се исто така волшебни, секој со своја уникатна атмосфера. Уживајте во прошетките низ раскошните улици, посетете ги палатите, вкусете ја познатата Sacher торта и почувствувајте го шармот на градот кој за време на Божиќ изгледа како празнична разгледница.

Сместување во хотел со 3 ѕвезди

Аранжманот вклучува сместување во хотел со 3 ѕвезди на база на 2 ноќевања со појадок. Хотелот се наоѓа во Виена, нудејќи удобна база за истражување на градот и неговите празнични атракции. Патувањето се одвива со високотуристички автобус, со професионален туристички придружник кој ќе се погрижи за организацијата и реализацијата на програмата.

Вклучено во понудата

• 2 ноќевања со појадок во Виена
• Панорамски разглед на Виена со локален водич
• Можност за факултативни излети до Шенбрун, Дунавската кула, Designer Outlet Parndorf и Братислава
• Искуство на Божиќните маркети во Виена и Братислава
• Превоз со високотуристички автобус

Практични информации

Напомени:

• За реализација на ова патување, потребен е минимум од 40 патници.
• Пасошот треба да има важност мин. 3 месеци од денот на враќање.
• Плаќањето се врши исклучиво во денарска противвредност по курс 1 евро = 62 денари
• Организаторот на патувањето не гарантира тип на лежај.( Двокреветна соба може да биде со брачен лежај или со два единечни лежаи, Трокреветна соба може да биде со три класични лежаи, брачен лежај и единечен класичен лежај, брачен лежај или два единечни лежаи и дополнителен лежај ( ранч кревет или софа),   четворокреветна соба може да биде со четири класични лежаи, брачен лежај и 2 единечен класичен лежај, брачен лежај или два единечни лежаи и 2 дополнителнителни лежаи ( ранч кревет или софа).
• Организаторот на патувањето го задржува правото по пат на ultra first или last minute понуда да ги објави и продаде слободните места по цени кои се разликуваат од оние кои се веќе објавени. Лицата кои го уплатиле аранжманот по редовен ценовник, немаат право на надомест на средства за разлика во цена.
• За резервација на аранжманот потребна е аконтација од 30%, целосна уплата најдоцна 15 дена пред поаѓање
• Агенцијата го задржува правото за отказ на аранжманот најмалку 5 дена пред поаѓање, поради недоволен број на патници или виша сила.
•  Патникот има обврска да се јави 24ч. пред патувањето за да потврди термин и час на поаѓање.